SMART MINHO

PROXECTO

Estratexia de Cooperación Intelixente para o Río Miño Transfronteirizo

Smart Minho é un proxecto do que son beneficiarios a Deputación de Pontevedra, a Comunidade Intermunicipal de Alto Miño e a Fundación Euro-Rexional Centro de Estudos, e o AECT Rio Minho, busca allanar o camiño para a cooperación transfronteiriza no río Miño durante as próximas décadas.

O principal obxectivo de Smart Minho é mellorar a efectividade da cooperación institucional na área transfronteiriza do río Miño a través da planificación estratéxica do territorio común, baseada en experiencias de cooperación local, e que sirva para iniciar experiencias piloto de xestión conxunta de equipos, actividades culturais e de transporte que favorezan a mobilidade transfronteiriza.

OBXECTIVOS

Conservar e mellorar os recursos existentes entre as dúas beiras do Miño en beneficio do desenvolvemento social, económico e ambiental na zona de Baixo e Alto Miño;
Potenciar a mobilidade sustentable e a accesibilidade como eixo central para o desenvolvemento do territorio, non só en relación ao transporte público, senón tamén en relación á mobilidade peonil e outros medios de transporte alternativos non motorizados que permitan reducir o gasto enerxético e as emisións de gases de efecto invernadoiro;
Mellorar a conexión interna entre os núcleos urbanos directos de Caminha-A Guarda, Vila Nova de Cerveira-Tomiño, Tui-Valença, Monção-Salvaterra, Arbo- Melgaço, así como a conexión co resto do territorio e as áreas metropolitanas de Vigo, Porto e Braga;
Potenciar a xestión conxunta dos equipamentos, a infraestrutura e os servizos existentes e planificar conxuntamente as necesidades futuras co obxectivo de compartir o seu uso para mellorar os beneficios da cidadanía, optimizar os recursos e fomentar a convivencia;
Modernizar a infraestrutura co obxectivo de promover o aforro enerxético e a mobilidade sustentable;
Promover o medio rural como complemento do medio urbano e como elemento xerador de emprego sustentable, turismo verde e emprego relacionado coa innovación e o coñecemento;
Protexer e promover plenamente o espazo fluvial;
Fomentar a cooperación empresarial e fomentar as actividades de investigación.

ORZAMENTO

942.022,47€

PROGRAMACIÓN

01/10/2015 a 30/06/2021

FINANCIAMENTO

Cofinanciado ao 75% polo Fondo Europeo de Desenvolvemento Rexional (FEDER) a través do Programa Interreg V-A España-Portugal (POCTEP) 2014-2020.

PRINCIPAIS ACCIÓNS

WEB DO PROXECTO

ACTUALIDADE

Arranca o ‘II Culturmiño’ co obxectivo de crear novos actos culturais conxuntos no Miño transfronteirizo

Creadores e axentes culturais máis persoal técnico dos concellos miñotos traballarán durante este mes para desenvolver iniciativas....
19 Maio, 2021
O AECT Minho reivindica ante a Xunta e a CCDR-N que os territorios do miño afectados polo peche da fronteira teñan prioridade para recibir fondos europeos do ‘POCTEP’ e do ‘Next Generation’

O AECT Rio Minho reclamou hoxe á Xunta de Galicia e á CCDR-N de Portugal que os concellos do territorio do Miño afectados polo peche da fronteira con Portugal “teñan prioridade” á hora de recibir fondos europeos. O agrupamento insiste en que o prexuízo económico......
03 Marzo, 2021
O AECT Río Minho habilita un rexistro de persoas afectadas polo peche da fronteira con Portugal para reclamar indemnizacións

O AECT Río Minho ten operativo dende hoxe o rexistro de persoas afectadas polo peche da fronteira co fin de proceder á tramitación de posibles indemnizacións. Nas primeiras horas dende a súa posta, sen aínda difusión oficial, o rexistro xa recibiu máis dunha ducia de......
02 Marzo, 2021